Cronica do adestrador

REDONDELA F.S – C.V.C VALLADARES

CRÓNICA DO PARTIDO

Conseguidos 3 puntos máis de cara ó tramo final da tempada.

Os Redondeláns volven sacalo partido adiante despois dunha primeira metade un pouco floxa por parte dos dous equipos, que ningún quería tomar demasiados riscos polas consecuencias que iso podería traer.

Co 0-0 no marcador chegábase ó descanso, cos dous equipos pensando en como afrontar a segunda metade.

Os de Manoliño tentaban levalo peso do xogo para poder adiantarse no marcador, pero nun despiste defensivo chegaría o primeiro gol do partido a favor do Valladares e que complicaba un pouco as aspiracións dos de Redondela pola salvación.

A pesar de todo, os locáis non desistiron en buscalo empate pero tardaba máis do normal. Pero a falta de 11 min. para o final, chegaría o gol decisivo que iniciaría a remontada, cun traballo moi meritorio por parte dos xogadores do Redondela.

Aínda habería tempo para marcar un par de goles máis, chegando así ó final do partido cun 3-1 no marcador.

A vindeira semana visitarase o pavillón de Pazos, lider da categoría, pero coa mentalidade de que hay que sacar, dos 9 puntos que quedan por disputar, polo menos 6 para a salvación do equipo.

Manuel Otero