XOGA E FÁLAO

XOGA E FÁLAO, da mañá á noite

Nova campaña de normalización lingüística do Concello de Redondela

A Piscina Municipal de Redondela acolleu este mediodía a presentación da nova

campaña para normalizar o uso da lingua galega no ámbito deportivo, promovida pola

Concellaría de Normalización Lingüística.

Ao acto de presentación asistiron a Concelleira, Ánxeles Babarro, o director da piscina

municipal, José Bamio, traballadoras deste centro deportivo, e varios representantes dos

clubs deportivos Redondela Fútbol Sala e Club Deportivo Cesantes

O deseño deste proxecto comezou no mes de outubro coa convocatoria do concurso de

carteis que serve de soporte publicitario da mesma, e estivo apoiado en comunicacións a

todas as entidades e clubs deportivos redondeláns para que se sumasen á iniciativa.

Nunha primeira fase a campaña divulgarase a través de diferentes soportes que farán

visible o lema XOGA E FÁLAO, DA MAÑÁ Á NOITE, que estará presente en carteis,

trípticos divulgativos de léxico dos deportes, viseiras, bolsos porta zapatillas, e camisolas

para o persoal da Piscina Municipal (tanto de recepción como dos monitores da piscina e

das distintas especialidades deportivas que se imparten no centro). Ademais, nestas

instalacións o lema principal da campaña estará apoiado nun convite moi axeitado para as

persoas usuarias da piscina: MERGÚLLATE!, que divulgarán tamén para promover entre

a poboación este deporte acuático.

A partir deste desenvolvemento inicial a campaña espallarase por todas as entidades e

clubs deportivos do concello que queiran apoiala. Nestes comezos xa teñen confirmada a

súa adhesión a este programa o Club Deportivo Choco, Club Redondela Fútbol Sala,

Redondela Escola de Fútbol Base, Club de Remo Chapela, Club Balonmán Chapela,

Sociedade Atlética Redondela (SAR), Club Deportivo Cesantes, Club Patinaxe Artística

Bolboreta e Club de Tenis Redondela.

A campaña desenvolverase durante todo o ano 2011 e o obxectivo é que o deporte

redondelán “fale galego”, que a nosa lingua estea presente en todas as comunicacións

orais e escritas que produzan as entidades participantes: entradas, carteis, megafonía,

regulamentos, estatutos, páxinas web e blogs dos clubs, competicións ou publicidade, e

que utilicen a lingua galega como lingua habitual, para que os hábitos saudables da

poboación incidan tamén na saúde da nosa lingua propia.

Para iso o Servizo de Normalización Lingüística colaborará con todas elas para

axudarlles a desenvolver unha verdadeira promoción da lingua galega, facéndolles

correccións e traducións, e facilitándolles a confección de páxinas web ou blogs nos que

poidan divulgar as súas actividades.