AS LIÑAS DO ENTRENADOR
REDONDELA F.S – PAZOS
CRÓNICA DO PARTIDO
Partido disputado no municipal de Redondela, cunha boa entrada de espectadores.
O Redondela saía a pista coa intención de sacar un resultado positivo contra o líder da categoría, pero o bó xogo do Pazos complicáballe as cousas os Redondeláns.
Os primeiros en adiantarse no marcador son os visitantes cun forte disparo dende lonxe despois dunha xogada de corner. O Redondela consegue empatar ó partido pero o Pazos insiste en querer levarse os tres puntos de Redondela, poñendo intensidade no xogo de ataque e tamén no defensivo, chegándose ó descanso cun 2 a 4 no marcador.
A segunda parte comenza case como a primeira, con dominio no xogo do Pazos pero o Redondela sae disposto a pelexar ata o final pola victoria. Despois de remontar un 2 a 5 case imposible, con moito traballo e orgullo persoal, os Redondeláns conseguen poñerse 5 a 5 no marcador e sorprender por completo os visitantes. Parece que os esforzos realizados durante todo o encontro dos locáis comezaba a ter a súa recompensa e coa presión en toda a pista que facían os Redondeláns, chegábase ó final do encontro cun 8 a 6 no marcador.
Creo que este é o camiño que o Redondela debe seguir, e xogar todos os partidos coa mesma intensidade.
Gustaríame felicitar a todos os xogadores polo esforzo realizado, e a toda a xente que asistiu ó pavillón e animou ó equipo durante todo o partido.
Manuel Otero
No hay comentarios:
Publicar un comentario